राजाचे कुर्ले येथे मुलाकडून वडिलांना मारहाण, घर पेटवून देण्याचाही प्रयत्न

सत्य सह्याद्री न्यूज नेटवर्क 

औंध

राजाचे कुर्ले, ता. खटाव येथील  सज्जनराव वामनराव माने, वय 74 यांचा मुलगा विशाल सज्जनराव माने याने घर व जमीन नावावर करून देत नसलेच्या कारणावरून मारहाण करून घर पेटवून देण्याचा प्रयत्न केला असलेची तक्रार औंध पोलीस ठाणे अंकित पुसेसावळी दुरक्षेत्र येथे दिली आहे. 

        रविवार दि. 08/10/2023 रोजी रात्रौ 9.00 वाजण्याचे सुमारास राजाचे कुर्ले, ता. खटाव गावचे हद्दीत सज्जनराव माने यांचे घरात त्यांचा मुलगा विशाल सज्जनराव माने, रा. राजाचे कुर्ले, ता. खटाव याने जमीन व घर त्याचे नावावर करून देत नसल्याचे कारणावरून खोऱ्याने घराच्या खिडकीच्या काचा फोडून व घरासमोरील दरवाजा तोडून घराला आग लावण्याच्या उद्देशाने घराच्या समोर तळवटात झाकून ठेवलेले वाळलेले उडीद घरात ओढत आणले आणि ते पेटवून देऊन घरात आग लावली. सज्जनराव माने, त्यांची पत्नी व मुलगी असे सर्वजण आग विझवण्याचा प्रयत्न करीत असताना मुलगा विशाल याने सज्जराव माने यांना हाताने व लाथा बुक्क्यांनी मारहाण करून त्यांच्या पत्नीला शिवीगाळ व दमदाटी केली.

         सदर घटनेची तक्रार पुसेसावळी दुरक्षेत्र येथे दि. 9/10/2023 रोजी दुपारी 4 वाजता रजिस्टर झाली असून औंध पोलीस ठाणेचे सहाय्यक पोलीस निरीक्षक डी. एस. वाळवेकर यांच्या मार्गदर्शनाखाली पोलीस उपनिरीक्षक ए. ए. ठिकाणे अधिकचा तपास करत आहेत.