मोबाईलच्या जमान्यात वडुज मध्ये चिमुकलीच्या हाती कॅमेरा

चिमुकलीच्या कॅमेऱ्यातून पत्रकार आकाश यादव याना ही फोटो काढण्याचा मोह आवरता आला नाही ( छाया : नितीन राऊत)

वडूज : करोना महामारी नंतर लॉक डाऊनच्या काळात सर्व व्यवहार ठप्प झाले होते. मोठ्या माणसांना त्याची जाणीव झाली होती मात्र, लहान मुलांना त्याचा अर्थ कळत नव्हता. अशा वेळी मुलांच्या हाती मोबाईल ऐवजी कॅमेरा देऊन पालकांनीच लहान मुलांना  कॅमेरा व्यवसायचे धडे गिरवण्यास दिले आहेत. 

सध्या वडूज येथील  निहान आयाज मुल्ला या चार वर्षाच्या मुलीने वडिलांना व्यवसायात हातभार लावण्यास सुरुवात केली आहे.  वडूज बसस्थानका समोर पत्रकार आयाज मुल्ला यांचा स्वतःचा फोटो स्टुडिओ आहे. या स्टुडियो मध्ये सध्या ही चार वर्षीय बालिका कॅमेरा गळ्यात अडकवून इतरांचे फोटो सेशन करत आहे. सर्व क्षेत्रात महिलांनी आपली गुणवत्ता सिद्ध केली आहे. फोटोग्राफी या क्षेत्रामध्ये रुनिका कंदारी, हसीन जम्मू, पामेला बोल्डस, संजूकता बासू, नैना रज्जू,  अनुष्का मेनन अशी बरीच मोठी फोटोग्राफर महिलांची यादी आहे. 

    जगातील महत्वाची राज घराणे ते सिने सृष्टीतील अभिनेत्यांची फोटोग्राफी करणाऱ्या महिलांपैकी पामेला बोडर्स यांनी 'मिस इंडिया' किताब सुद्धा जिंकला आहे.  आज महिलांना फोटोग्राफी चे शिक्षण देणाऱ्या अनेक संस्था आहेत. सध्या इलेक्ट्रॉनिक माध्यमातून महिला फोटोग्राफर यांनी आपले चांगले नाव कमावले आहे.  वडूज येथील प्रसिद्ध जेष्ठ व जुने फोटोग्राफर एम दिलावर यांची नात सध्या फोटोग्राफीचे धडे शिकत आहे. तिचे वडील आयाज मुल्ला हे पत्रकार म्हणून कार्यरत असून आपल्या मुलीला प्रोत्साहित करण्यासाठी तिच्या हाती कॅमेरा देत असतात. या चिमुकलीच्या नजरेतून काढलेले फोटो हे ख्यातनाम फोटोग्राफरला सुद्धा लाजवेल असेच आहेत. भविष्यात तिला तिच्या आवडीच्या क्षेत्रात संधी मिळेलच परंतु त्यांनी फोटोग्राफी मध्ये मुलाचे पाय पाळण्यात दिसतात असे दिसून येते. सध्या या लहान मुलीच्या फोटोचा छंद जोपण्यासाठी अनेक जण या बलिकेच्या नजरेतूनच फोटो काढून घेत आहेत.या फोटोचे अनेकांनी कौतुक केले आहे.