शेळ्या मेंढ्यांच्या बाजाराला जोरदार प्रतिसाद

विक्रांत भोसले

सत्य सह्याद्री न्यूज नेटवर्क

बिजवडी: दसऱ्याच्या  मुहूर्तावर माण तालुका कृषी उत्पन्न बाजार समिती व ग्रामपंचायत बिजवडी यांच्या संयुक्त विद्यमानाने बिजवडी ता. माण येथे शेळ्या मेंढ्यांच्या बाजाराची  सुरुवात बाजार समिती सभापती विलासराव देशमुख, उपसभापती वैशाली विरकर, संचालक श्री दत्तात्रय सस्ते,अॅड. कुंडलिक भोसले, किसन सावंत, रवींद्र तुपे यांच्या शुभहस्ते करण्यात आली. खरेदी विक्री करणाऱ्या व्यापारी व शेतकऱ्यांनी जोरदार प्रतिसाद दिल्याने  पहिल्या बाजाराची  आश्वासक सुरवात झाली. 

तेथे उपस्थित जनतेच्या व शेतकऱ्यांच्या चेहऱ्यावर शेळ्या-मेंढ्यांच्या बाजार सुरू झाल्याने समाधान दिसत होते. बिजवडी हे मध्यवर्ती ठिकाण आहे.या बाजाराची सुरुवात मागेच होणं गरजेचं होतं.आज झालेली सुरुवात पाहून बिजवडी मध्ये चांगला प्रतिसाद मिळेल अशी भावना आलेल्या व्यापारी वर्गाने व्यक्त केली

      या प्रसंगी रासप चे जिल्हा अध्यक्ष मामुशेठ विरकर, जिल्हा काँग्रेस चे उपाध्यक्ष एम.के.भोसले,माण तालुका काँग्रेस उपाध्यक्ष शिवाजीराव भोसले, विठ्ठलराव भोसले, चंद्रकांत दडस, शहाजी दडस, रोहिदास राऊत, शंकरराव बरकडे, किरण बरकडेएकनाथ कदम,हिंदुराव जगदाळे, सुरेशभाऊ भोसले, संतोष भोसले, विकास निंबाळकर, हणमंत दडस, युवराज मुळीक,दौलतराव जाधव,जोतिराम जाधव, संदीप भोसले,प्रकाश जगदाळे, मधुकर भोसले,अनिल भोसले, दिलीप आवळे इत्यादी मान्यवर उपस्थित होते.सूत्रसंचालन मार्केट कमिटी संचालक योगेश भोसले यांनी केले तर

प्रास्तविक डॉ. अजित दडस यांनी केले.आभार रावसाहेब देशमुख यांनी मानले.