“माण देशी चॅम्पियन्स चे चार खेळाडू राज्य स्तरावर चमकले”

छायाचित्र ४) वैष्णवी सावंत ३) पुनम काळेल २) सचिन कोळेकर १) विशाल कोकरे

म्हसवड (धनंजय पानसांडे) 

माणदेशी  संचलित म्हसवड येथील माणदेशी क्रिडा  संकुलनात प्रशिक्षण घेत असलेले “माण देशी चॅम्पियन्सचे चार खेळाडू राज्य स्तरावर चमकले”

नागपूर येथेनुकत्याच झालेल्या राज्य स्तरीय अटलांटिक्स मैदानीखेळाच्यस्पर्धेमध्ये माणदेशी चॅम्पियन्सची खेळाडू पूनम  काळेल हिने "ट्रिपल जपं "या  खेळामध्ये  ११. ४३ मी. लांब उडी टाकून राज्यात प्रथम क्रमांक  पटकावला. 

तसेच वैष्णवी सावंत हिने लांब उडी मध्ये ५. ७ मी . लांब उडीमारून राज्यात दुसरा क्रमांक मिळवला.त्याचबरोबर माणदेशी चॅम्पियन्सचे खेळाडू सचिन कोळेकर यांची महाराष्ट्राच्या यु-१७ हॉकीच्या कर्णधार पदी निवड झाली.  कुस्तीमध्ये विशाल कोकरे याची ९७ कि.वजनगटात ऑल इंडियाला निवड झाली आहेया सर्व खेळाडूंना प्रशिक्षक महालिंग खांडेकर (एन आय एस ) ,प्रशिक्षक  मारुती  लोखंडे व समन्वयक मंगेश काटकर  यांचे  मार्गदर्शन लाभले .

माण देशी चॅम्पियन्स हेअत्याधुनिक पध्दतीने खेळाडू तयार करणे,कामी विदेशातही त्यांना आंरराष्ट्रीय पातळीवर आवश्यक असलेले प्रशिक्षण देणे विविध खेळांच्या  कोचिंग करणे आणि  त्यांना आवश्यक

असा पोषक आहार नियमित देणे हे कार्य करते.म्हसवड येथील मेघा सिटी मध्ये माण देशी क्रिडा संकुलन असुन येथील प्रशस्त क्रिडागणात खेळाडुंना तज्ञ क्रिडा प्रशिक्षकांच्या मदतीने खेळाडुंसाठी विविध क्रिडा प्रशिक्षणाची नियमित सुविधा करण्यात आली आहे.याच माणदेशी क्रिडा संकुलनात प्रत्येक वर्षी शालेय क्रिडा स्पर्धा तसेच तालुका जिल्हा,व राज्य पातळीवरील विविध क्रिडा स्पर्धांचेही वेळेवेळी आयोजन करण्यात येते.या क्रिडा संकुलनातील नवखेळाडु विद्यार्थ्यांना शासनाच्या पुणे येथील बालेवाडी क्रिडा संकुलना प्रवेश स्पर्धा परिक्षेत राज्यात विक्रमी विद्यार्थ्यांनी प्रवेश मिळविण्यात यश आले आहे.या क्रिडा संकुलनात प्रशिक्षण घेतलेले खेळाडु तालुका, जिल्हा,व राज्य पातळीवर क्रिडा स्पर्ध्येत चमकु लागले देश व विदेश पातळीवरील क्रिडा स्पर्धेतही ते यशस्वी होत राहिले.

नागपुर येथील क्रिडा स्पर्धेत  पुनम काळेल व वैष्णवी सावंत हिने  संपादन केलेले यश व यासह सचिन कोळेकर,विशाल कोकरे हे खेळाडु राज्य स्तरावर चमकल्या बाबत माणदेशी फौंडेशनच्या संख्थापिका अध्यक्षा चेतना सिन्हा,विजय सिन्हा,माण देशी चॅम्पियन्सचे प्रभात सिन्हा,प्रशिक्षक महालिंग  खांडेकर (एन आय एस ), मारुती लोखंडे व सहकारी क्रिडा प्रशिक्षक, समन्वयक मंगेश काटकर आदींनी त्यांचे अभिनंदन केले.

वैष्णवी सावंत चा अमेरिकेत झेंडा 

माण देशी फौंडेशनच्या सहयोगातुन मुंबईतील मरिनलाईन येथील आंतरराष्ट्रीय दर्जाचे "स्प्रिंटर क्लब" मध्ये वैष्णवी सावंत हिस लॉंग जंप व पूनम काळेल हिस  ट्रिपल जंप खेळाचे प्रशिक्षण अमेरिकेतील वर्जिनिया स्टेट मधील लेक ब्रेडॉक स्कुल  युनिर्व्ह्रसिटी चे नामांकित कोच ओरेगन एस्सार वॉर्ड यांनी पूनम काळेल व वैष्णवी सावंत यांना १८ दिवसाचे क्रिडा प्रशिक्षण दिले.व त्यानंतर अमेरिकेतील वर्जीनिया ऑल स्टेट चॅंपियन्सिप क्रिडा स्पर्धेत अडीच हजार मिटर धावण्याच्या शर्यतीत भाग घेण्याची संधी पूनम काळेल व वैष्णवी सावंत यांना देण्यात आली.या स्पर्धेत वैष्णवी सावंत हिने प्रथम क्रमांक पटकावुन माणदेशी चॅंपियनचा अमेरिकेत झेंडा फडकाविला होता.