कोरोना रुग्णाला घेवून जात असताना रुग्णवाहिकेचा अपघात

वेळे वार्ताहर दिनांक 26

पुणे सातारा महामार्गावरील खंबाटकी घाटात भोर येथून ऑक्सीजन लावून एक कोरोना रुग्णाला घेवून वाईकडे निघालेल्या रुग्णवाहिकेला अपघात होवून पलटी झाल्याने सातारा जिल्ह्यात खळबळ उडाली आहे. 

सविस्तर वृत्त असे की, भोर येथील एक कोरोना बाधित असलेला रुग्ण ऑक्सीजन लावून वाईच्या घोटावडेकर हॉस्पिटलमध्ये रुग्णवाहिका क्रमांक MH01BS0113 मधून वाईकडे भरधाव वेगात जात असताना सोमवारी सायंकाळी सहा वाजण्याच्या सुमारास पुणे सातारा महामार्गावर खंबाटकी घाटाच्या मध्यभागी आली असता नुकत्याच पडलेल्या पावसाच्या पाण्यामुळे रस्ता घसरटा झाल्यामुळे चालक सागर अलगुडे याचा रुग्णवाहिकेवरील ताबा सुटल्याने रुग्णवाहिका डोंगरकड्यावर जावून आदळून ती पलटी झाल्याने येणाऱ्या जाणाऱ्या वाहनचालकांमधून एकच कल्लोळ निर्माण झाला. पण दुर्दैवाने या अपघातग्रस्त रुग्णवाहिकेमध्ये कोरोना रुग्ण असल्या कारणाने तो गाडीतच मार लागलेल्या अवस्थेमध्ये पडून राहिला व मला वाचवा असे तो ओरडत असून देखील त्याचा आवाज आधीच खोल गेल्याने तो बाहेरील लोकांना ऐकू येत नव्हता. त्यामुळे त्याची ऑक्सीजन लेवल पहिल्यापासूनच कमी असल्याने त्याचे प्राण वाचवण्यासाठी भोर येथील डॉक्टरांनी त्याला आधीच चांगला उपचार मिळवा या भावनेपोटी आणि त्यांना व्हेंटिलेटरची गरज असल्यामुळे वाईच्या घोटवडेकर हॉस्पिटलमध्ये दाखल करण्यासाठी ही रुग्णवाहिका निघाली होती. पण रस्त्यातच अपघात झाल्याने व त्यात कोरोना रुग्ण असल्यामुळे त्याच्याजवळ त्याला वाचविण्यासाठी कोणीही पोहोचण्याचे धाडस करत नव्हते. 

या अपघाताची खबर खंडाळा पोलीस ठाणे आणि जोशी विहीर येथील महामार्ग पोलीस यांना समजताच ते तातडीने घटनास्थळी दाखल होवून दुसरी रुग्णवाहिका मागवून हा रुग्ण वाईच्या घोटवडेकर हॉस्पिटलकडे पोलिसांनी रवाना केला. या अपघाताची नोंद खंडाळा पोलीस ठाण्यात दाखल झाली आहे. 

सोबत फोटो