अल्पवयीन युवतीवर अत्याचार युवकाविरोधात ‘पोक्सो’

सत्य सह्याद्री न्यूज नेटवर्क 
वाई:  वाई तालुक्यातील एका गावात अल्पवयीन मुलीवर एका युवकाने महाबळेश्‍वर, वाई तालुक्याच्या परिसरात वेळो वेळी बलात्कार केल्याची तक्रार वाई पोलिस ठाण्यात दाखल झाली. घटनेचे गांभीर्य ओळखून पोलिस निरिक्षक बाळासाहेब भरणे यांनी संशयित आरोपी राजेंद्र महादेव रांजणे (वय 32) याच्या वर पोक्सो अंतर्गत  गुन्हा दाखल करून त्यास गजाआड केले आहे. 

याबाबत माहिती अशी की वाई तालुक्यातील एका खेडे गावातील  17 वर्षीय अल्पवयीन मुलीवर तिच्याच नात्यातील आरोपी युवकाने महाबळेश्‍वर व रहात्या घराच्या परिसरात वेळो वेळी बलात्कार केला असल्याची घटना उघडकीस आली आहे.

काल दि.11 रोजी या घटनेची माहिती देण्यासाठी पीडित मुलगी आणी तिच्या आईने  वाई पोलिस ठाणे गाठले अन् तेथे उपस्थित असलेले पोलीस निरिक्षक बाळासाहेब भरणे यांना घडल्या प्रकाराची माहिती दिली. घटनेचे गांभीर्य ओळखून बाळासाहेब भरणे यांनी तात्काळ गुन्हा दाखल करण्याचे आदेश देऊन  यातील आरोपी असलेला राजेंद्र महादेव रांजणे वय यास तात्काळ अटक केली. तपास बाळासाहेब भरणे करीत आहेत.