सत्य सह्याद्री न्यूज नेटवर्क
मलकापूर : मलकापूर नगरपंचायतीची नगरपरिषद आजच झाली असे भासवत सत्ताधारी उपनगराध्यक्ष पार्टीने आज सोमवार दि. 30 जुलै 2018 रोजी सकाळी 10 पासूनच मिरवणूक काढली. गुलाल उधळला, उन्मादाने नाचले. त्याला सणसणीत चपराक बसली. कोणतेही चांगले काम सर्वांच्या सहकार्याने कायदेशीर मार्गाने पार पाडल्यावर पूर्ण होते. ते पूर्ण होण्याआधीच, कोर्टाचा निर्णय ऐकण्यापूर्वीच जर कोणी पेढे वाटायला लागले, नाचायला लागले, तर त्यांची गत अशीच होणार!
परवाच्या पत्रकार परिषदेमध्ये आम्ही असे सांगितले होते, की शासनाच्या वतीने नगरपरिषद करण्याचे निवेदन मा. न्यायालयात दिले जाईल त्याप्रमाणे ते दिले.नगरपरिषद दर्जा मिळविण्याची कार्यवाही राज्यशासनाकडून होत असून लवकरच त्याची घोषणा होईल. मंगळवार दि. 24 जुलै 2018 रोजी डॉ. अतुल भोसले यांनी मुख्यमंत्र्यांची भेट घेतली. त्यावेळी मा. मुख्यमंत्र्यांनी असे सांगितले, की उच्च न्यायालयात योग्य ती पूर्तता करून प्रशासकीय पातळीवर नगरपरिषद होण्यासाठी अंमलबजावणी करू.
मलकापूर नगरपंचायतीची नगरपरिषद होण्याबाबतची याचिका मा. मुंबई उच्च न्यायालयात होती व त्यावर आज सुनावणी होऊन महाराष्ट्र सरकार, मा.मुख्यमंत्री व नगरविकास खात्याचे मंत्री, सचिव यांनी नगरपरिषद करत आहोत, अशा आशयाचे निवेदन दिले. नगरविकास खात्याने आपला शब्द पाळून नगरपरिषद करण्याबाबतची वैधानिक प्रक्रिया पूर्ण करण्यास वेळ मागून घेतला व उच्च न्यायालयाने त्यांना दीड महिन्याचा वेळ दिला. यापुढे मा. ना. अतुल भोसले यांनी स्वत: लक्ष घालून शासकीय स्तरावरून सर्व प्रक्रिया वेळेवर पूर्ण करून घेण्याचे ठरविले असून, ते या कामासाठी मुंबईला मंत्रालयात जात आहेत.याचाच अर्थ मलकापूरची नगरपरिषद ही कायदेशीररित्या कोणासही त्रास न होता, कोणाचेही हक्क हिरावून न घेता सर्वांच्या हितासाठी व्हावी यासाठी भाजपा,मा. मुख्यमंत्री देवेंद्र फडणवीस व ना. डॉ. अतुल भोसले (बाबा) या सर्वांचा प्रयत्न आहे.
सत्ताधारी उपनगराध्यक्ष व त्यांचे नेते म्हणजे ‘उतावळा नवरा गुडघ्याला बाशिंग’!
मलकापूरचे सत्ताधारी उपनगराध्यक्ष व त्यांचे नेते हे ‘उतावळा नवरा गुडघ्याला बाशिंग’ या म्हणीप्रमाणे आपला कार्यकाळ संपण्याच्या वेळेला घाई करत आहेत.आजच सकाळी 11 वाजलेपासून त्यांनी आम्ही नगरपरिषद केली अशा प्रकारच्या घोषणा देत गुलालाची उधळण करत गावभर मिरवणूक काढली. नागरिकांना त्रास दिला. बँजो लावून 5-50 मोटार सायकलींना झेंडे लावून, फटाक्यांच्या माळा लावून स्वत:ची पाठ स्वत: थोपटून घेत होते. पण प्रत्यक्ष हायकोर्टाचा निकाल दुपारी 1.30 वाजता आला व प्रत्यक्ष नगरविकास खात्याने सादर केलेल्या म्हणण्याप्रमाणे 6 आठवड्यांची मुदत दिली. याचाच अर्थ सत्ताधारी उपनगराध्यक्ष यांची पार्टी व त्यांचे चाहते तोंडावर पडून उताने पडले. अतिघाई व वेळेपूर्वीच उन्माद करणे बरे नाही. नगरपरिषद आपणा सर्वांनाच हवी आहे. पण इतरांना श्रेय जाईल म्हणून आपल्या कोंबड्यांना रात्री 2 वाजता ओरडायला लावणे बरे नाही.
मलकापूर, आगाशिवनगर, शास्त्रीनगरमधील नागरिकांनी ना. डॉ. अतुल भोसले यांच्यावर विश्वास ठेऊन डॉ. भोसले हे आता मलकापूरचे आहेत व मलकापूर हीच त्यांची कार्यभूमी आहे. त्यांचे मार्गदर्शनाखाली पुढील 5 वर्षात देदीप्यमान विकास होईल. कोणावरही अन्याय होणार नाही. अखेर सत्याचाच विजय होत असतो.
No comments:
Post a Comment